Admin
المدير العام
عدد المساهمات : 404
تاريخ التسجيل : 25/04/2011
العمر : 44
الموقع : أم الدنيا
 |  موضوع: شرح التكليف فى الجهات الخارجية  الإثنين 16 مايو 2011, 8:49 pm | |
| شرح التكليف فى الجهات الخارجية
بسم الله الرحمن الرحيم
الجهات الخارجية فى التكليف فى شكل سؤال و جواب :
@@@@@@@@@@@
يعنى ايه جهة خارجية ديه مش فاهم ؟؟
ديه جهة خارج القطاع الوقائى فى الصحة زى :
شركة مصر للطيران
وزارة التضامن الاجتماعى
التأمين الصحى
الوحدات العلاجية
الادارات الطبية فى الجامعات
مستحضرات حيوية و لقاح
بعض الجامعات فى الصعيد ((جامعة جنوب الوادى ))
جهات اخرى تابعة للجامعات و تقتصر على خرجيها فقط
و غيرها اماكن تانية
@@@@@@@@@@@
طب بقدم عليها ازاى ؟؟
بتقدم عليها مع حركة التكليف
فى رغبة اجبارية (( ادارات صحية )) ولازم يجيلك منها حاجة
وفى رغبات الجهات الخارجية و بتكتبها
(( حسب عدد الرغبات المطلوب منك تسجيلها - بتبقى حوالى 24 رغبة ))
و ممكن ميجلكش منها حاجة ...او تكتب فيها لا ارغب ((عشان كده هى اختيارية ))
@@@@@@@@@@@
بقدم عليها فى التكليف ازاى مش فاهم برده ؟؟
بعد ما بتخلص تسجيل رغباتك فى الادارات الصحية بيظهرلك صفحة لكتابة رغباتك فى الجهات الخارجية ..
@@@@@@@@@@@
طيب و هتوزع عليها ازاى ؟؟ و النتيجة بتظهر فين ؟؟
بيتم التوزيع طبعا بالتقدير
والنتيجة بتظهر مع نتيجة التكليف
بيظهر النتيجة اسمك و ادامه الادارة اللى اتوزعت فيها و الجهة الخارجية اللى جاتلك
وممكن جدا لو كتبت لا ارغب او تقديرك مالحقش حاجة فى الجهة الخارجية
تلاقى مكتوب فى الخانة بتاعتها (( استنفذ رغباته ))
ويبقى مالكش غير التكليف فى الادارات الصحية ..
@@@@@@@@@@@
طب انا جالى الاتنين و محتار استلم فين ..... هو ينفع استلم فى الادارة الاول اجرب شوية و لو معجبنيش استلم فى الجهة الخارجية ؟؟
اساسا انت لازم تستلم الاول فى ادارتك الصحية حتى لو ناوى تستلم فى الجهة الخارجية من الاول ...
يعنى تروح تستلم فى المديرية التابع لها ادارتك الاول و ممكن تستنى شوية لغاية ما تستلم فى الجهة الخارجية ..
@@@@@@@@@@@
طب و بعدين ؟؟؟ هستلم ازاى الجهة الخارجية اول ما انوى ؟؟
هتروح وزارة الصحة ادارة التكليف وهناك مدام مها أو مدام صفاء حتقولك طلع اسمك مكتوب تكليف سنة كذا و أول ما تلاقي اسمك حتلاقي ادامه اسم المديرية اللي انت فيها و اسم الجهة الخارجية اللي انت مترشح لها .
حتديلك جواب مكتوب على الكمبيوتر موجه للمديرية اللي انت اتوزعت عليها الجواب ده خطاب رسمي للمديرية عشان يخلولك و تروح على الجهة الخارجية
خلي بالك الجواب لازم يتصور صورتين ويتختم ختم النسر على الصورتين ودكتور سيد عبد الحفيظ مدير ادارة التكليف
يمضيلك عليه و تطلع بيه على المديرية
@@@@@@@@@@@
مش فاهم ليه اللفة ديه ؟؟؟
بص ركز معايا بس
فى حاجة هوضحلك بيها الفكرة
الجهة الخارجية ديه تعتبر انتداب من الادارة اللى انت فيها
يعنى لازم تستلم الاول فى الادارة عشان هو ده المكان اللى هتقبض منه مرتبك الاساسى
@@@@@@@@@@@
مرتب اساسى ؟؟؟؟ ايه الكلام ده ؟؟؟
ايوه المرتب (( اساسى المرتب )) و ده هيبقى من الادارة اللى اتوزعت عليها
اما (( الحوافز و التقييم - اللى هو بدل النبطشيات )) من المكان اللى هتبقى فيه فى الجهة الخارجية
@@@@@@@@@@@
ااااااااه
طب سؤااااااال ؟؟ افرررررررض انى معجبنيش المكان بتاعى فى الجهة الخارجية ده !!
هل ينفع ابدله مع حد زى ما ممكن نبدل الادارات عادى ؟؟؟
لا للاسف مينفعش تبديل فى الجهات الخارجية
@@@@@@@@@@@
طب والحل ؟؟؟ انا مش مرتاح فى المكان بتاع الجهة الخارجية ده ؟؟؟؟
اهدى بس متقلقش
انت فى انتداب للجهة الخارجية
تقدر فى اى وقت تلغى انتدابك ده و ترجع تانى للادارة اللى انت متوزع عليها فى الاول ....
@@@@@@@@@@@
طب بص بقى انا واد مخلص ؟؟؟ بص بص الحركة ديه ؟؟
انا هبدل ادارتى مع واحد صاحبى و لما ابدل معاه الادارة يبقى الجهة الخارجية بتاعته بقت بتاعتى ... و اروح بقى الجهة الخارجية اللى جاتله ...
ههههههههههههههههههه
مينفعش يا معلم
تبديل ادارة بادراة ملهوش اى علاقة بالجهة الخارجية
قولتلك مفيش تبديل جهة خارجية ...
@@@@@@@@@@@
طب انا تقديرى عالى اوى .... حلو كده
وجالى ادارة حلوة و جهة خارجية حلوة ...
ينفع استلم فى الادارة و اتنازل عن الجهة الخارجية لواحد صاحبى غلبان تقديره تعبان ؟؟؟
ههههههههههههه لا مينفعش برده | |
|
