عمالقة الطب

ابداع العمالقة
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الخطوط العريضه عن الدراسه للفرقه الخامسه

اذهب الى الأسفل 
كاتب الموضوعرسالة
Admin
المدير العام


عدد المساهمات : 404
تاريخ التسجيل : 25/04/2011
العمر : 39
الموقع : أم الدنيا

مُساهمةموضوع: الخطوط العريضه عن الدراسه للفرقه الخامسه    الجمعة 13 مايو 2011, 8:42 pm

السلام عليكم ورحمه الله وبركاته
بخصوص الفرقه الخامسه جامعه المنصوره
السنه مقسمه 4 روندات كل روند مدته حوالي شهرين و نص

1-روند أطفال :

في آخره امتحان اعمال السنه ب 100 درجه

2-روند باطنه عامه أ
ليس به امتحان

3-روند باطنه عامه ب

في نهايته امتحان روند الباطنه العامه حيث يشمل الامتحان أ و ب
75 درجه " 45 درجه كلينيكال و 30 درجه MCQ "

+ثلاث أسابيع روند كارديو في نهايته امتحان 15 درجه

+ ثلاث أسابيع روند جلديه في نهايته امتحان 20 درجه

4-باطنه خاصه

تشمل 3 أسابيع روند chest في نهايته امتحان كلينيكال ب 20 درجه

+ ثلاث أسابيع نيورو ينتهي بإمتحان كلينيكال ب 20 درجه

+ أسبوع أشعه و أسبوع روماتيزم و تأهيل و أسبوع سيكاتري
و امتحانهم بيكون MCQ في نهاية الروند ب 30 درجه



السنه طويله و اللي بيذاكر من الاول زى اللي مبيذاكرش

لان اللي ذاكر من الاول بييجي على الاخر و ينسى و يبقى زيه زى اللي مذاكرش

و الاختلاف بينهم فقط

ان اللي ذاكر من الاول عنده فكره عن الموضوع و فاهمه قبل كده

اما اللي مفتحهوش خالص بيحس انه بيسمع الكلام لاول مره

علشان كده مش لازم تخنقوا نفسكم بالحفظ من الاول

لكن يكفيك انك تقرأ الكلام و تفهمه و تحط الخطوط العريضه له

او تعمله سكيمه تسهل مذاكرته اما الحفظ ممكن تسيبه للآخر قبل الامتحان...


فروع الباطنه :

Hepatology & GIT
Endocrine
Haematology
Nephrology
Cardiology
Dermatology & Andrology
Chest
Neurology
Rheumatology
Fever & Tropical
clinical pathology
+
X-ray & instruments



اختلاف بسيط بين سوهاج المنصورة
سوهاج 3 روندات
باطنه عامه
باطنه خاصه
اطفال
كل روند مدته 3 شهور بالظبط
وتنبيه لاى حد شغال باطنه
اياكم والفطاطرى
السنه اللى فاتت الدكاترة نبهوا كتير اننا نبعد عن الفطاطرى
وللاسف اللى ذاكر منه.......


هما بيحبوا كومار جداااااااااااااااااااااااااااااااااا واللى يجاوب منه يا حظه يا هناه





الناس اللي هيبدؤا روند أطفال هتبقى بدايه سخنه من الأول لكن اللي هيبدؤا باطنه هيبقوا مريحين
اللي هيبدؤا أطفال بقى يركزا معايا
انت مطلوب منك تخلص منهج الأطفال كله نظري و كلينيكال خلال الشهرين و نص بتوع الروند يعني هتبقوا مضغوطين جامد و الوقت هيبقى ضيق لان امتحان روند الأطفال ب 100 درجة
الأسئله بتيجي من أى جزء في المنهج سواء نظري او كلينيكال يعني مطلوب منك تخلص المنهج كله أو أكبر قدر ممكن تقدر عليه و اللي متلحقش تذاكره مذاكره متأنيه يبقى على الأقل لازم تقراه
روند الأطفال هيتطلب منك انك تتواجد في المنصوره من 8 صباحا و تخلص الروند و المحاضرات و التدريب الاكلينيكي
في أيام هتخلص الساعه 1 ظهرا و في أيام هتخلص الساعه 2
و يوم التدريب الكلينيكال ممكن تخلص 3:30
يعني نص اليوم هتقضيه بين روند و محاضرات و تدريب في المستشفى
حضور الورند مهم جدا و حضور المحاضرات أيضا مهم لان في غياب بيتاخد كل محاضره لها ورقة غياب
و اللي نسبة غيابه بتعدي في الروند مبيدخلش امتحان الروند
أما لو حضرت الراوند و محضرتش محاضرات هتدخل امتحان الروند بس هتدخل لجنه خاصه و ما أدراك ما هى اللجنه الخاصه
يعني مش هتعرف تحل حاجه يا جميل و هتبقى ليلتك فل يعني لازم الالتزام و الحضور و إذا حبيت تزوغ من المحاضره يبقى لازم تتفق مع زمايلك ياخدولك الغياب

نيجي بقى للمذاكره

نص اليوم هتقضيه في المستشفى زى ما قلنا يعني على ما ترجع البيت و تنام شويه هتلاقي اليوم خلص
اوعى تفوت يوم من غير مذاكره
لو استسلمت لحكاية اليوم خلص دي و قضيتها على كده مش هتلحق تخلص و هتتراكم عليك كتير و هتلاقي نفسك اتزنقت زنقه بايخه جدا أتمنى انها متحصلش لحد فيكم
طبعا أول نا س هيبدؤا أطفال ربنا يكون في عونهم لانهم هيحسوا بصعوبه عن غيرهم
لان أغلبية الكلينيكال بيعتمد على انك تكون عارف باطنه أساسا
فبالتالي اللي بياخد أطفال بعد الباطنه بتبقى الحاجات سهله عليه لانه عارفها من الباطنه
اما اللي هيبدأ أطفال مش هيبقى لسه عارف أى حاجه و هيحس ان الدنيا صعبه
الشرح في المستشفى مش كل الدكاتره زى بعضها يعني في و في
طيب و اللي عايز يبدأ مذاكره من الأول لازم يكون فاهم المواضيع كويس علشان يبدأ يذاكرها
طب ايه العمل ؟
لو عايزين نصيحتي الشخصيه و رايي الشخصيه نفض للدروس
عندك شرايط دكتور أبو الأسرار بجد بامانه لو سمعتها مش هتحتاج حاجه خالص
دي كمان مش بس هتفهمك الأطفال و تخليك ممتاز فيها
دي كمان هتساعدك جامد جداااااااا في فهم الباطنه
نزلوها من النت من دلوقت و ابدؤا اسمعوها هتفيدكم جدا
و هتخليكم متحتاجوش لحد و ابدؤا مذاكره من الأول و ربنا يعينكم
ورق المذاكره

اى ورق تبع كليتك ..تقريبا المعلومات واحده الاهم ترتب نفسك

استعينوا بالله و متخافوش من حاجه إن شاء الله تبقى سنه جميله و متحسوش فيها بأى تعب و بجد هتحبوا الباطنه و الأطفال اووووي و ربنا يعينكم


منقووووووووووووووووووووول
الرجوع الى أعلى الصفحة اذهب الى الأسفل
http://egymedgiants.forumegypt.net
 
الخطوط العريضه عن الدراسه للفرقه الخامسه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عمالقة الطب :: عمالقة الطب :: طلاب عمالقة الطب :: الفرقة الخامسة-
انتقل الى: