عمالقة الطب

ابداع العمالقة
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
شاطر | 
 

 العمل فى دولة الكويت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
drshefo



عدد المساهمات: 160
تاريخ التسجيل: 28/04/2011
العمر: 34
الموقع: مصر

مُساهمةموضوع: العمل فى دولة الكويت    السبت 07 مايو 2011, 11:26 pm

الكويت دولة صغيرة ...تقدر تلفها كلها فى ساعتين فقط بالسيارة...

مقسمة إلى محافظات مثل الحال فى مصر...لكن لاتوجد فواصل بين المحافظات وبعضها ...العمران ممتد من أولها إلى آخرها ....بها مبان قديمة ...ومبان حديثة...ليست كلها فاخرة ولكنها مثل مدن الوجه البحرى أو القبلى إجمالا..


يمثل الكويتيون ربع نسبة السكان...والباقى جنسيات اخرى ....غير السعودية...أغلبهم : الهنود, البنجال, الفلبيينيون, المصريون ,بلاد الشام, نسبة ليست قليلة من الفلسطينيون الذين ولدوا وعاشوا بالكويت, أجانب كثيرون من دول أوربا...أكثر من أمريكا ....

**أهمية توزيع الجنسيات يظهر فى طبيعة العمل فى المنشآت الصحية من حيث الأماكن التى تتعامل مع :أصحاب البلد مثلا , والأماكن التى تتعامل مع الفئات الأخرى....بمعنى : إن مجمع طبى يتعامل أساسا مع الهنود مثل (مجمع أبولو) مثلا : رواتب الأطباء به تكون قليلة بالمقارنة حيث أن أسعار الكشف والخدمات الطبية أقل بكثير من الأماكن التى تتعامل مع المواطنين ....من حيث أيضا طريقة تقديم الخدمة الطبية ...والتجهيز وغيره ...


**من المناطق الراقية : السالمية, حولى ,سلوى,....وبالأخير صباح السالم والفروانية....يظهر هذا أيضا فى طبيعة المنشأة الصحية الموجودة بالمكان: فى السالمية توجد مستشفى رويال حياة وهى (مستشفى الطبقة الأعلى والأسرة الحاكمة ) ...وبالطبع الأغلى فى الأسعار والأعلى فى الرواتب للفئات الطبية...وأسعار السكن ..والمطاعم ووو....

**المناطق الأقل مستوى : الفروانية وصباح السالم والأحمدى: العكس تماما بها غالبا مراكز طبية ومستشفى واحد بكل منطقة ...مثل مستشفى طيبة بصباح السالم...متوسطة فى كل شىء ...أسعار الشقة الإيجار 150-200دينار غير مؤثث...مدارس حكومية ...


مواعيد العمل الرسمى : كل أيام الأسبوع عدا الجمعة والسبت ...المحلات تقفل فى الثانية عشرة جميعا ...لكن المطاعم 24 ساعة ...أهمية الموضوع ده تظهر فى أوقات الريت العالى لزيارات العيادات والمستشفيات: يتوافد المواطنون بعد انتهاء فترة عمل المحلات !!! فلا تستغرب إنك تقضى فترة دوامك قبل 12 فاضى جدا وتبدأ الدنيا تتقلب عليك بعد12 ليلا!!!


الجو:
**الجو: على عكس السعودية : ثابت فى كل الأنحاء...باااااااارد جدا جدا فى الشتاء على كل المناطق...أمطار شديدة ورعد وبرق ورياح وأتربة!!

الصيف : لا تستطيع السير فى الطريق للوصول للسيارة!!45 فيما فوق

ولذلك:

كل الشقق تكييف مركزى...لا تفكر فى شقة بتكييف فردى على فكرة:مش انت اللى بتدفع فاتورة الكهربا...كل مكان فى الشقة لازم يكون مكيف حتى المطبخ والحمام...لاتفصل التكييف إلا عند النزول لمصر ...(الفريون بيسيح والماء يغرق الدنيا وكل شىء يبوظ حتى الحوائط بيقع من عليها الدهانات )...

خلوا بالكم :الشىء الفظيع بالكويت وخصوصا فى الأماكن القديمة : الصراصير- أعزكم الله -مأساة الكويت التى لم يتسنى لهم حلها حتى الآن...لازم أول ما تأجر شقة ...تطلب شركة إبادة الحشرات ...للقيام بالمطلوب ....وتترك الشقة مغلقة يومين ....ثم تبدأ بالفرش....كل ده بالتليفون ...والأرقام موجودة بالجريدة المجانية اللى بتلاقيها أمام الشقق وعلى السلالم!!!


**ندخل فى موضوعنا وهو السفر:

للحصول على فرصة عمل بالكويت...:
1-التقديم فى سفارة دولة الكويت بالقاهرة ...فى إعلانات بتنزل فى مكتب الملحق الصحى الكويتى...

2- إعلانات الجرائد: قليلة جداااااا

3- شركات التوظيف : فقط حورس....وبايونير

4-الإعلانات من على الإنترنت: مواقع توظيف الكويت كثيرة وفعلا بتقدم فرص كويسة ...أجهزها وأكتبها إن شاء الله

5-المعارف بالكويت: يمكن التقديم عن طريقهم فى الوزارة أو الخاص والمتابعة...أو إن أمكن للأقارب الحصول على سمة دخول للزيارة ودى بتمتد لمدة شهر-3شهور...تعاقد داخلى

6-ممكن التقديم عن طريق موقع المستشفى على الويب

ملحوظة: فرصة العمل بالكويت أقل من السعودية مثلا لأن الكويت أولا أصغر فى المساحة وأقل فى عدد السكان...ثانيا : التيرن أوفر أقل بكتير لآن أغلب اللى بيشتغل فى الكويت (مش بيسيبها بسهولة )إلا لأسباب قليلة ...


إجراءات السفر:

*التحاليل :مثل السعودية لكن الفارق إن نتيجة التحاليل بتوجه من المعامل المركزية إلى مكتب الملحق الصحى الكويتى فى ظرف مغلق يتم فتحه فى حضورك ...ويعلمك المسئول أنك تستطيع إكمال باقى الإجراءات...

*الشهادات الأصلية :توثق من الخارجية والسفارة كالمعتاد...

*لا يوجد ما يسمى بورقة النت

*الفيزا عبارة عن سمة دخول للكويت...ولا يوجد ختم بالتأشيرة إلا فى المطار مباشرة عند السفر

*شهادات الأولاد:مثل السعودية تقريبا :التطعيمات وشهادات المدرسة توثق من الملحق الثقافى ..والميلاد..توثق جميعها من الخارجية والسفارة...الكشف الطبى للأولاد بعد بلوغ 12 سنة



العمل بالكويت:

بعد دخول الدولة تصبح مطالبا بالإجراءات اللازمة للإقامة ...ويتولاها مندوب المستشفى ...إعادة الكشف الطبى وإعادة التحاليل ...فى يوم واحد ولكن لإستخراج الإقامة يمضى شهر أو أكثر حتى 3 شهور!!!!ولا تستغرب فهناك الأوراق تسير بطيئة بطيئة ....

خلال فترة إستخراج الإقامة...لا تستطيع عمل أى شىء وبالطبع إستئجار شقة أيضا ....لكن المكان الذى تعمل فيه سيوفر إقامة مؤقتة ...أو دائمة حسب الإتفاق...وأيضا فى العمل لن تستطيع إمضاء أى ورقة أو الحصول على الختم المطلوب إلا بعد الإقامة والترخيص ولذلك ستعمل فى فترة ال100يوم بدون مسؤلية مباشرة وسيكلف رئيسك من يقوم بختم الوصفات الطبية والأوراق المطلوبة منك بدلا منك ....

بعد الحصول على الإقامة....تبدأ فى الإستعداد للإمتحان ....للحصول على الترخيص بمزاولة المهنة...:


الإمتحان:

بتستعد بالحصول على مذكرة وزارة الصحة من الزملاء فى التخصص لأن بها البروتوكولات المطلوبة منك فى العمل وبنظام التعامل مع الحالات هناك ...لأنه بالتأكيد مختلف عن مصر...

الإمتحان شفوى مثلا:

إمتحان النسا ....سهل من الشغل ...شفوى...وبيعتمد على الخبرة السابقة....وشوية ctgوأسئلة فى التحاليل والعمليات... بالإضافة لبروتوكولات وزارة الصحة الكويتية فى التعامل مع الحالات الطارئة فى التخصص....لأنها مختلفة شوية عن مصر ...بتجيبها وتذاكرها وبس ...
أما مثلا الطبيب العام
لجنة من كل التخصصات ....باطنة وحالات حرجةوعظام وجراحة ونسا وأطفال مع بعض ....بيسألك كل واحد كأنك هتتخصص فى تخصصه...

رسم القلب بالتفصيل ....بيسقط ناس أصلا كان تخصصهم عناية فائقة مش طبيب عام...التحاليل بالأرقام والتفاصيل الدقيقة ....(الحسابات فى الكويت بالمول)....حالات النيورو ....القلب والطوارىء بمنتهى الدقة ...

يمكن لأن كل زمايلى فى الوقت ده ...عادوا الإمتحان...فالحكم كان إنه صعب ...أو يمكن هما مش مستعدين كويس ....لكن ده اللى أنا شفته معاهم ....بعضهم لم يحصل على الترخيص ورجع مصر




فيه أحد الزملاء الأفاضل سأل السؤال ده:

هل لو واحد نجح في امتحان البرومترك للطبيب العام في السعوديه ممكن يشتغل به في الكويت بدون الامتحان الشفوي المرعب ده..........
وهل الامتحان ده بيكون للي هايشتغل في الخاص بس ولا للخاص والحكومي؟

والإجابة:
البرومترك خاص بالسعودية فقط ...لكن بيفرق مع الممتحن فى الكويت من ناحية تقييمك بمعنى إنه بيعتبر ميزة شخصية...

إمتحان الترخيص بالكويت للخاص والحكومى...



بعد الحصول على الترخيص إن شاء الله يبدأ العمل الرسمى...ولابد من الحصول على صورة من الترخيص للإحتفاظ بها فى مقر العمل دائما بالإضافة إنه بيكون مطلوب الحصول على ختم تستعمله فى العمل وده بيكون عن طريق التقديم للحصول على ختم - مش إنك تروح تشتريه من مكتبة مثلا - لأنه بيكون فيه نسخة موثقة من توقيعك الشخصى محفوظة فى الوزارة وصورة من الأكلشية محفوظة أيضا وده لمنع التلاعب والتوقيع المزيف ...وخصوصا فى مسألة الأجازات الطبية للمرضى...



المسميات الوظيفية....

طبيب عام ....لا يشترط وجود بوست ...إمتحانهم مرعب

مساعد مسجل....دبلومة أو ماجستير أقل من 3سنين...فرست أى زمالة...نايب فى مصر +خبرة كافية فى النيابة

مسجل ....3سنوات ماجستير لا يرخص للدبلومة كمسجل....

إختصاصى....دكتوراة+3سنوات بعدها (لمستشفى حكومى أو خاص).....أوماجستير +5سنوات لو مجمع عيادات خاص....

إستشارى دكتوراه أو زمالة +5سنوات...

هذه قائمة بكل المستشفيات فى الكويت....


القائمة التالية تتضمن أسماء مستشفيات دولة الكويت ومكان وجودها:



المستشفى الأميري
محافظة العاصمة
عام
مدينة الكويت


مستشفى الرازي (الكويت)
محافظة العاصمة
عام
منطقة الشويخ


مستشفى الصباح
محافظة العاصمة
عام
منطقة الشويخ


مستشفى ابن سينا (الكويت)
محافظة العاصمة
عام
منطقة الشويخ


مستشفى مبارك الكبير
محافظة حولي
عام
منطقة الجابرية


مستشفى العدان
محافظة الأحمدي
عام
منطقة الرقة


مستشفى الفروانية
محافظة الفروانية
عام
منطقة صباح الناصر


مستشفى الجهراء
محافظة الجهراء
عام
منطقة الجهراء


مستشفى جابر الأحمد للقوات المسلحة
محافظة مبارك الكبير
عسكري
المنطقة الوسطى

مستشفى الأحمدي
محافظة الأحمدي
نفطي
مدينة الأحمدي


مستشفى السلام
محافظة العاصمة
خاص
http://www.book4doc.com/link/m.php?url=aHR0cDovL3d3dy5zaWgta3cuY29t&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA منطقة بنيد القار


مستشفى دار الشفا
محافظة العاصمة
خاص
منطقة شرق


مستشفى دار الشفا الجديدة
محافظة حولي
خاص
منطقة النقرة


مستشفى هادي
محافظة حولي
خاص
منطقة الجابرية


مستشفى الراشد
محافظة حولي
خاص
منطقة السالمية


مستشفى المواساة الجديدة
محافظة حولي
خاص
منطقة السالمية

مستشفى طيبة
محافظة مبارك الكبير
خاص
منطقة صباح السالم


مستشفى لندن
محافظة الأحمدي
خاص
منطقة الفنطاس


مستوصف الانصاري
محافظة حولي
خاص
منطقة السالمية


مستشفى كلنيك انترنتشيونال
محافظة حولي
خاص
منطقة السالمية


مستشفى الصفاة الامريكاني
محافظة مبارك الكبير
خاص
منطقة صباح السالم


مستشفى الدولي
محافظة حولي
خاص
منطقة السالمية


مستشفى جابر الأحمد
محافظة حولي
عام
منطقة الزهراء

مستشفى رويال حياة
محافظة حولي
خاص
منطقة الجابرية


مستشفى الامومة
محافظة الفروانية
خاص
منطقة الرقعي


مستشفى السيف
محافظة حولي
خاص
منطقة السالمية


مستوصف الشعب التخصصى
محافظة حولي
خاص
منطقة الشعب




كل من المستشفيات الخاصة السابقة....لها صفحة ويب يمكن لمن يحتاج وظيفة بها ملىء الأبليكيشن فورم وإرسال شهادة الخبرة عليها ....

وهذه هى قائمة ببعض عناوين المستشفيات وهواتفها وموقعها الإليكترونى:

New Mowasat Hospital
Block 2, Yousif Bin Homoud Street, P.O. Box 6661, Salmiya, Dasma
T : 5726666
F : 5738055
W : http://www.book4doc.com/link/m.php?url=aHR0cDovL3d3dy5uZXdtb3dhc2F0LmNvbQ==&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA
E :mowasat_insurance@hotmail.com

Dar Al Shifa Hospital
Hawally – Beirut Street, Opposite Fire Station.
P.O. Box 3390, Safat
T : 802555
F : 2639016
W : http://www.book4doc.com/link/m.php?url=aHR0cDovL3d3dy5kYXJhbHNoaWZhLmNvbQ==&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA

British Medical Centre (BMC)
Salman Al Dabous Bldg, Ahmadi Expressway, Mangaf
T : 3713100
F : 3713900
W : http://www.book4doc.com/link/m.php?url=aHR0cDovL3d3dy5ibWNvbmxpbmUubmV0&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA
E : http://www.book4doc.com/link/m.php?url=bWFpbHRvOmluZm9AYm1jb25saW5lLm5ldA==&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA

Shaab Medical Centre
Kuwait - Al Shaab Al Bahri Area 8,
Al Esteqlal Street,
P.O. Box 525, Safat
T : 886060
F : 2620420
W : http://www.book4doc.com/link/m.php?url=aHR0cDovL3d3dy5zaGFhYm1jLmNvbQ==&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA
E : http://www.book4doc.com/link/m.php?url=bWFpbHRvOnNoYWFiaW5mb0BzaGFhYm1jLmNvbQ==&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA

Alorf Medical Centre
Gahara, Part 91
T : 4555050
F : 4567794
W : http://www.book4doc.com/link/m.php?url=aHR0cDovL3d3dy5hbG9yZm1lZGljYWxjZW50ZXIuY29t&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA


Hadi Clinic/ Hospital
P.O. Box 44630, Hawalli
T : 828282
F : 5314717
W : http://www.book4doc.com/link/m.php?url=aHR0cDovL3d3dy5oYWRpY2xpbmljLmNvbQ==&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA
Al Rashid Hospital
Amman Street, P.O. Box 8999, Salmiya
T : 5624000
F : 5652233
W : http://www.book4doc.com/link/m.php?url=aHR0cDovL3d3dy5hbHJhc2hpZGhvc3BpdGFsLmNvbQ==&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA
E : http://www.book4doc.com/link/m.php?url=bWFpbHRvOmFscmFzaGlkQGFscmFzaGlkaG9zcGl0YWwuY29t&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA
Al Salam Hospital
Al Shariff Al Radi Street, Bneid Al Gar,
P.O. Box 11023, Dasma
T : 2533177
F : 2540167

W : http://www.book4doc.com/link/m.php?url=aHR0cDovL3d3dy5hbHNhbGFtLWhvc3BpdGFsLm5ldA==&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA

E : http://www.book4doc.com/link/m.php?url=bWFpbHRvOmFsc2FsYW1AcXVhbGl0eW5ldC5uZXQ=&title=%DF%E1+%E3%C7+%ED%CE%D5+%C7%E1%DA%E3%E1+%DD%EC+%CF%E6%E1%C9+%C7%E1%DF%E6%ED%CA

بالنسبة للمعيشة....ونفقات الحياه هناك...:



المعيشة فى الكويت ممتعة...وزى ما بيقولوا فلوسها فيها ...بمعنى إنك ممكن تصرف كل الراتب فيها !!!لكن الأسعار وبالأخص المواد التموينية والسلع الضرورية للحياه ...لا فرق بينها وبين مصر تقريبا ....بالعكس فيه سلع أسعارها أقل مثل مثلا السكر ..المكرونة .الشاى ووو...لكن الأرز ( بإعتبار إنى ربة أسرة بردو ههههههه) فيه ناس بتاخده من مصر لأنه فعلا غالى بالمقارنة بمصر ....السمك والجمبرى ...أقل بكتير من مصر ....اللحمة المصرى أغلى شوية عن مصر...لكن بصفة عامة مش هتحس إنك بتصرف كتير عن مصر ....

**المطاعم هناك متوفرة بشكل غير عادى ....لدرجة إنى إعتقدت فى فترة إن هناك مشروع مطعم لكل مواطن !!!!

مطاعم مصرية بإدارة مصرية...ومالك مصرى (حسنى فى حولى مشهور جدا: أكل بيتى مصرى بجد)...مطاعم عالمية ....لبنانى ...كويتى وووو....الأسعار بجد رأئعة مثلا وجبة مشاوى مشكلة تكفى فردين ب دينار ونصف !!يعنى العزاب مايخافوا ههههه!!!!

دايما فيه أوفرات فى الهايبر ماركتس ....بجد حقيقية ومغرية بتعتمد عليها فى شراء مستلزمات لفترة طويلة وبتوفر كتير بجد...

السوبر ماركت هناك بيكون تحت اسم (الجمعية ) وده حكومى مش أفراد أسعاره عادية زى مصر ....ومتوفر فى كل الأماكن جمعية ...

طبعا الأسواق المركزية - منطقة شرق - فيها كل حاجة فريش ....مشوار من أى مكان بالكويت ربع ساعة والمدام تشترى كل لوازمها بأقل الأسعار...

تحت كل بناية ...بقالة ...بتشترى منها أغراض نقصت من البيت فجأة لكن أعلى شوية ....وكروت الموبايل طبعا...(وممكن بعض الناس بتشترى منها بالتقسيط علشان يوفروا أكتر!!!عرفت كده...)

كل المطاعم بتوصل الطلبات دليفرى مجانا ....24 ساعة...تحت أمرك...

الناس بتتخن أوى فى الكويت على فكرة ....هههههه

مرة اشتريت جمبرى جامبو الكيلو ب 2 دينار فى الموسم وفريش من السوق ....طبعا بتشترى كمية ونظف وشيل فى الفريزر ....وعلى مدار العام ....دي فروست وحضر أحلى طبق جمبرى...

أغلى أسعار الكشرى المصرى ....تلاقيها فى الكويت !!!!الطبق الصغير بدينار ونصف !!!! 30 جنيه يعنى...

العجيب إن الأكل ضرورة حتمية فى أى وقت عند الكويتيين وشىء مقدس له احترامه ...حتى فى المستشفى بتلاقى مطعم للزوار !!!


أسعار السكن بالتفصيل ....حالا

التسوق الشهرى لأسرة من 4 أفراد من 200-250دينار +\-50 دينار
لو التعاقد فى الخاص :أغلبهم بيعطى نصف شهر مقدم فى الكويت تسدد على أقساط....
فى الحكومى :الراتب بيصرف من أول شهر...
تقدر تاخد المبلغ اللى تحبه دون قيد أو شرط....

مصروفات الإمتحان بتكون حسب التعاقد:ممكن الكفيل يدفعها أو حضرتك...

بتكلف فى حدود 100دينار

المقصود بالزمالة هى البريطانية ....المعادلة الكندى ...الإسترالية ....الأمريكية....بلد بتحترم الشهادات دى جدااااااا

الزمالة المصرية ليس لها وضع خاص بالكويت ....شهادة تدريبية فقط بتقرق فى إمتحان الحصول على الترخيص ....بتختصر الموضوع خالص...

حتى الدبلومة الهندية ...غير معترف بهاكشهادة للتصنيف

المهم هو الماجستير = سنوات الخبرة....

بالتوفيق...

السكن فى الكويت....

أسعار السكن تختلف حسب المنطقة...

منطقة مثل السالمية : 250-350 شهريا

منطقة مثل حولى :150-300

منطقة مثل : الفروانية\الأحمدى\الجنوب بصفة عامة:150-200دينار شهريا

السكن غير مؤثث:لكن يشمل التكييف...السخانات...الشفاطات...الماء ...الكهرباء...حمام السباحة الخاص بالعمارة..وصالة الجيم!!!!

من الأفضل عكس السعودية إنك تتعاقد على سكن مؤثث:مثل ما يحدث فى الحكومة وبعض المستشفيات الخاصة مثل الهادى...طيبة...رويال حياة السكن تبعهم به تأثيث فاخر على ذوقك وملاصق لمكان العمل فى هذه الأماكن...

فيه ناس بتفضل السكن المشترك لو عزاب :بيكلف 50 دينار للغرفة : المهم طبعا إنهم يكونوا فى نفس مكان العمل ...بيوفروا بدل السكن ....ويشتركوا يوميا فى سيارة أحدهم إلى مكان العمل...طباع وقناعات طبعاً...



التأثيث:


ممكن تشترى أثاث مستعمل لكن نظيف من سوق اسمه (الحراج )مشهور جدا ....مش هيكلف حاجة تقريبا150-200دينار

ممكن تشترى من (الحراج ) أو سوق (الضجيج بالفروانية ) أيضا أثاث جديد غير مستعمل :بأسعار بسيطة تزيد عن السابق يمكن 100دينارفقط

الأجهزة الكهربية :فيه ستورز مشهورة إسمها :الغانم فروع كتير جدا فى البلد : بيكون عندهم أوفرات جامدة وأجهزة ممتازة - أنا اشتريت غسالة وأخدت معها ميكرووبف +كاسيت سى دى بلاير هدية..!!!

عند الغانم : بتلاقى تقسيط مريح جداجدا: كل اللى بتحتاجه شهادة استمرارية راتب من مكان عملك...وبتقسط بدون ضمانات أو ضامن...

التوصيل وتركيب أى شىء فى الكويت ....مجاناً...

ممكن بالتليفون تشترى كل شىء دليفرى ....حتى لو احتجت سيارة (صدقوا ...ده العادى هناك) وأرقام الهواتف بتلاقيها فى الجريدة المجانية أمام باب شقتك كل أسبوع...

(زورونا تجدوا ما يسركم....شعار الكويت!!!)

المدارس بالكويت ....


طبعا المدارس مشكلة الآباء فى الخارج...

بالكويت فيه مستويات للتعليم :

*حكومى :مجانى لمن يعملون بوزارة الصحة الكويتية...

لكن للخاص مصاريف بسيطة نسبيا ...فى مرحلة الإبتدائى :بتبدأ 200دينار - إلى 400سنويا

* الخاص: لغات...ودولى:

اللغات :مثل الهندى - الباكستانى- الفلبينى- الصينى

دراسة إنجليش ...مناهج البلد التى تنتمى لها المدرسة....زحمة ...مصاريفها أعلى من الحكومى بعض الشىء ...عيبها الزحمة وشعور الغربة عن مناهج مصر ...

الدولى : كامبريدج..جلف إنترناشيونال ...أمريكان (أغلى مدرسة )....الروضة بتبدأ ب 2500 دينار !!!!ونكتفى بهذا القدر!!!

الوسط بين الإثنين : الأمريكان أكادمى مصاريفها بتبدأ للروضة 1100دينار ومستواها عالى علميا

الفرنش سكول : بلاش بقى نقول أسعار....سى لا فى !!!!.....دراسة فرنسى فقط ...

طبعا الفرق بين الدولى واللغات إن اللغات فقط غير معترف بيها فى مصر....لازم تكون متابع للأولاد فى مدرسة مصر وبيذاكروا مناهجها وبيمتحنوها إما فى السفارة ....أو فى مصر أثناء الأجازات...الدولية لأ شهادتها موثقة من السفارة المصرية بالكويت...

الجديد فى المدارس الدولى واللغات :

مدرسات لبنانيات!!!....خدوا بالكم إن الأولاد بيتأثروا بلبسهم ...كلامهم ...طقوسهم !!!!

الدراسة واقعيا 5 أيام : منها يوم (fun day) ويوم (sports day ) ويوم (social day ) ....يعنى الدراسة بترسى على يومين بس ومفيش هوم ورك ...كله فى المدرسة بيتعمل والإمتحان غالبا سكور شيت بسيط على 4 فصول سنويا....وكل سنة وانتم طيبين فى الفلوس اللى دفعتوها ...وطبعا كل يوم من دول محتاج ملابس معينة ...وأدوات معينة ...ومصروفات تانية ....

لكن الدراسة بغض النظر فيهم ممتعة للأولاد....بيبقوا كل يوم عاوزين يروحوا المدرسة يوميا غير الأماكن التانية...

طبعا المصروفات اللى ذكرتها .....بدون مصروفات الزى والكتب والباص العجيب ...

**الدراسة فى الحكومى عكس ماممكن تفهموا ....مستواها عالى والأوائل على الثانوية بيكونوا منها دايما ....وأغلبهم مصريين!!!



حاجة جانبية كده: دراسة التاريخ فى الكويت مقسمة إلى :

عصر ما قبل حرب العراق ...وعصر ما بعد الحرب!!!!

رخصة القيادة ....والسيارات ..والطرق:


طبعا مسموح للسيدات بالقيادة فى الكويت...

بالنسبة للرخصة بتحضر رخصة القيادة المصرية ....ويتم استبدالها بأخرى كويتية فور التقديم على الرخصة وده فقط للأطباء والمهندسين (الفئات العالية إجتماعيا)...

ولكن القوانين بالكويت دائمة التغيير : بيرجع تانى القانون إنك لازم تمتحن ...مفيش مشكلة ..زى مصر بالضبط لكن مهم عندهم جدا (إزاى تصٌف = تركن )مش عارفة ليه ...بس إجمالا امتحان مش صعب أبدا ...زى ما فى الإمارات ...أو البحرين...

الطرق كلها هاى واى ...100-120كيلو \الساعة داخل البلد ...6-8 حارات الشوارع ...رائعة مغرية بالحوادث (حماكم الله ) ...الشباب الكويتى متهور جدا جدا ....على عكس (القمرات الكويتيات ) غاية فى الروعة فى القيادة بجد ...الطرق زحمة ...كل كويتى عنده أكتر من 3-5 سيارات -عقبالكم -

السيارات بتشتريها بالتقسيط المريح -أسعار خليجية طبعا ...أرقى وأحدث وأفخم سيارات تلاقيها فى الكويت !!!غير السعودية تماما...

أشهر من تتعامل معهم لشراء سيارة : بهبانى ....الموتر ...الساير موثوق فيهم جداااا....

الجميل فى الموضوع إن re-sell وإعادة بيع السيارة بيخليك ممكن تغيرها كل شهر ....بدون خسارة تذكر...


التاكسى متوفر فى الكويت ....بالتليفون ...أسعاره للمشوار 1-2دينار لمسافة 15كيلو مثلاً...وإلى أن تشترى سيارة بتتفق مع تاكسى وتحدد له المواعيد المطلوبة وتحاسبه شهريا ...أغلبهم مصريين...وهنود

الزيارة العائلية ....والإقامة للعائلة:



أولا :الزيارة :

يستطيع الوافد المقيم عمل سمة دخول للزيارة للآتيين:

الإبن-الإبنة-الوالد-الوالدة-الأخ-الأخت -الزوج-الزوجة

يتقدم بطلب لمكان عمله ويملأ البيانات ووثيقة اثبات صلة القرابة موثقة من الخارجية المصرية والسفارة الكويتية...ويقدمها للجوازات التابعة لمنطقة إقامته بالكويت ويحصل عليها فى نفس اليوم ...وهى صالحة لمدة 90 يوم من تاريخ اصدارها

لكن فترة الزيارة تختلف كل وقت حسب التغيير الدائم فى القوانين ...

ساعات بتكون لمدة شهر وتجدد لتصل إلى 3شهور...وساعات بتكون 3 شهور من البداية محسوبة من تاريخ الدخول ...وأوقات شهر فقط غير قابل للتجديد...

ولذلك وجب التنويه...لابد من التأكد من فترة الزيارة ...لأنه إذا طالت عن المدة المحددة يتم دفع غرامة 15دينار عن كل يوم زيادة...



ثانيا :سمة الدخول للإقامة العائلية:

الأبناء -الزوج- الزوجة- ( الوالدين إذا كان المقيم هو العائل الوحيد لأى منهما)..

الأوراق اللازمة:

صلة القرابة...

التحاليل لمن أكبر من 12 سنة ...

شهادة التطعيمات ...

شهادة صحية من الملحق الصحى الكويتى

صورة طبق الأصل من الباسبور للسابق ...

توثق جميعها من الخارجية المصرية...والسفارة الكويتية ...

مع تعبئة النموذج المطلوب للإستقدام من مقر العمل ...وشهادة إستمرارية راتب ...والبطاقة المدنية ...

وتقدم لمكتب الجوازات ...التابع لمقر إقامة العائل ...من ثم..

فى الحالتين (الزيارة والإقامة ):

يحصل على سمة دخول ...

فى حالة الزيارة ترسل صورة منها فقط - كافية ولاترسل الأصل لأنك تستقبل بها القادم للزيارة بنفسك فى المطار...

أما فى حالة الإقامة: يرسل أحد الأصلين الذين حصلت عليهما من الجوازات ...للقادم للإقامة...ليدخل بها الكويت ...

بالنسبة للمسمى الوظيفى :

المستشفى التى عملت بها يوجد بها هذا الكوكتيل من الخبرات:

* مساعد مسجل لبنانى: بكالوريوس +3سنوات نايب

*مساعد مسجل مصرى:فرست زمالة نسا

*مساعد مسجل مصرى:ماجستير +سنة خبرة

*مساعدمسجل مصرى:ماجستير +سنتين بعده

*مساعد مسجل هندى: بكالوريوس +نايب نسا 4سنوات

*مساعد مسجل هندى :دبلومة نسا هندى+5سنوات خبرة

*مسجل نسا هندى:دبلومة هندى +13 سنة عمل بالكويت= ترخيص قديم قبل مايلغوا قبول الدبلومة الهندى للترخيص كمسجل

ده مش فى المستشفى دى بس ...لأ موجود فى أماكن تانية...

طبعا لو ماجستير +أقل من 3سنوات بعده ....والترخيص كان على مساعد مسجل ....ممكن بعد استكمال ال3 سنوات إعادة الإمتحان للترقى الوظيفى كمسجل نسا ....ويدرج التعديل بالعقد...لأنك لو غيرت العقد على الأساس الجديد(مسجل ) بتفقد الفترة اللى قضيتها وانت مساعد وده لحساب : مكافأة نهاية العقد...

العقد...

بنود العقود فى الكويت تشتمل على :

المسمى الوظيفى...الراتب ...مكان العمل ...عدد الساعات ....الأجازة ...التأمين الطبى...مدة العقد...

تذاكر الطيران...التأمين الصحى...بدل العمل فى الأجازات الرسمية...



ملاحظات على العقد:

*توضيح ما إذا كان التعاقد (مفتوح...أو مغلق)...ما الفرق؟؟؟

العقد المغلق : يلتزم صاحب العمل بدفع كل المبلغ المستحق إلى نهاية التعاقد ...إذا قام هو بإلغاء التعاقد بدون سبب مباشر من الطبيب ....

يعنى لو ألغى تعاقدك لأسباب تخص الإدارة بعيداعن أسباب تخص الطبيب مثل الأخطاء الطبية أو سوء التعامل مع المرضى أو الزملاء أو .....إلخ يلتزم بتعويض الطبيب بدفع كل ما يستحقه الطبيب حتى فترة نهاية التعاقد...

هذا النوع من العقود معمول به فى مستشفى دار الشفا- حولى


نقطة رائعة جداااااااا


العقد المفتوح والذى ينص فيه العقد على أنه إذا رأت الإدارة إلغاء التعاقد ...فإنها تلغيه دون قيد أو شرط منها تجاه الطبيب ....!!!

هذا النوع (المفتوح ) معمول به فى مستشفى :طيبة بصباح السالم

*تحديد ما إذا كانت مصاريف إستخراج الإقامة وإستقدام الأسرة والترخيص الطبى والتسجيل فى
( KUWAIT MEDICAL ASSOCIATION)سيتكلف بها الطبيب أو صاحب العمل فى العقد...

* تحديد نسبة العمولة فى العقد

*تحديد صرف بدل مادى عن العمل فى أيام الأجازات الرسمية وهى:
العيدين...العيد الوطنى ...رأس السنة الميلادى والهجرى...الإسراء والمعراج

والبدل يكون :اليوم بيومين مادياً


أما العمل فى أيام الجمعة...أو بتكليف من رئيس القسم بساعات إضافية : يكون عن كل ساعة عمل = بدل ساعة ونصف


*المتعاقد من داخل الكويت : فى أغلب الحيان لا يصرف له بدل تذاكر طيران...

*فترة ال 100 يوم الأولى : فترة مهمة جداااا...لاتكون مسؤلا فيها مسؤلية مباشرة ...ولكن يمكنهم إلغاء التعاقد فيها بمنتهى السهولة دون إبداء أسباب!!!أو تنبيه !!!فناخد بالنا كويس أى تصرف ..أى رد فعل ...أى سؤال عن رواتب الزملاء...أى تدخل فيما لا يعنيك...السؤال عن المستحقات المادية .....كله بيوصل الإدارة (متعرفش إزاى !!!)...إذا كنت ناوى تكمل :حاول دايما توضح أفضل ما فيك...وتعدل أسلوب التعامل حسب ما يتطلبه المكان الجديد...أول من يُسئل عنك للتقييم هم التمريض!!!

*فيه بعض شركات بير السلم فى مصر بتجيب فرص عمل للكويت بدون ما تعطيك عقد موثق من الكويت!!!وتكتفى بإعطائك سمة دخول ...طبعا مفيش كده خالص !!!لأن مفيش حاجة اسمها سمة دخول بدون عقد عمل أصلا يعنى كل ده مضروب !!!

* عن تجربة شخصية: لما بتتعاقد من شركة زى حورس أو بايونير للكويت: إستخراج العقد من الكويت بياخد حوالى 3شهور بعد اتفاقك مع ممثل المستشفى ؛ يعنى لا تقلق....لأن الإداريات والأوراق فى الكويت راكبة سلحفة مشلولة !!!

* عن كل سنة تعاقد بتستحق نصف شهر من راتبك مكافأة....تصرف فى نهاية التعاقدلكن لو جددت مش بتصرفها إلا بعد نهاية فترة التجديد

*وزارة العمل بالكويت أجمل مافيها إنها بتراعى الوافدين بمنتهى الكرم: مفيش كفيل بيقدر يلعب ببنود العقد...وبتضمن لك الحقوق المادية والأدبية

*نقل الكفالة: إذا حدث ما يستدعى نقل الكفالة لا بد من الحصول على (release)من كفيلك مكتوب فيه :لامانع من العمل لدى كفيل آخر ولا تكتفى بإعطائك ورقة إنهاء المعاملات وشهادة خبرة

يتبع...

الرواتب...بارك الله فيما رزق!!!



الرواتب فى الكويت مفهومة من أصحاب العمل : بمعنى هو عارف الرينج كام فى أى مكان...وعند الإتفاق ..على عكس السعودية فى الخاص معروف فكرة الفصال فى المستحقات المادية ...فى الكويت :لأ مفيش فصال هو بيقولك كذا يبقى كذا ....بالعكس لو قلت نزود شوية ....بيقولك :يعطيك ألف عافية مع السلامة ....يعنى إقبل أو أرفض ...مفيش فصال...

كمان هو عارف إن لو عقدك على راتب + عمولة... فاهم هيعطيك كام إجمالى ...

فيه مستشفيات مثل طيبة والهادى :

بتتفق على راتب بسيط نسبيا ...لكن العمولة عالية جدا ممكن تكون مثل الراتب نفسه ...طيب إيه المشكلة ؟؟؟

مش المشكلة إن العمولة ممكن تنزل أوتعلى هى تقريبا بتكون ثابتة...المشكلة فى حساب الراتب الأساسى...لأن كل مستحقات مثل :مكافأة نهاية الخدمة ....بدل العمل فى أيام العطلة ....لو أخدت قرض بنكى ....لو هتقسط لسيارة ...لو تقسيط لشراء حتى أجهزة كهربائية ....هيعتمد على الأساسى ده كام!!!

راتب المسجل...

بيترواح حاليا من 1350-1750دينار......شامل كل حاجة (البونس -السكن -المواصلات -العمولة لو فيه )

راتب مساعد المسجل :

بيقل 100دينار + \ - 50 دينار

الأخصائى ....بيبدأ 2500دينار غير العمولات والذى منه

الإستشارى ....ضعف الأخصائى فى كل حاجة حتى بدل السكن والتأثيث وووووربنا يوعدكم

فى ناس فى الهادى بتوصل 2000دينار شهريا (مسجل ) ربنا يبارك لهم

دار الشفا : اللعب كله على حالات الطوارىء من حيث العمولة بتاخد عمولة على كل حاجة بتعملها

طيبة : اللعب كله على حالات الولادة (كل حالة بتولدها لك فيها 20 دينار ....والحسابة بتحسب )

الهادى : كل اللعب فى الكشوفات وطبعا الولادات اللى بتطلبك لها شخصيا

منصور العرف : مفيش عمولة أصلا

لندن : أساسى كويس

الأمومة : بتعطيك عمولة بعد ما تقضى فيها 6 شهور يشوفوا تستحق عمولة ولا لأ !!!

مستشفى رويال حياة: لاتعطى أى عمولة..أحسن الأساسى فى الكويت

مستشفى السلام الدولى : عمولة هزيل جدااااا ...متعرفش بيحسبوها ازاى أصلاً...

مستشفى الراشد: من أقل الرواتب ...

المراكز الطبية ومجمع العيادات : فيه وفيه حسب الإتفاق ...



إجمالا -من وجهة نظرى المتواضعة - ممكن المسجل يحوش 1000 دينار شهريا لو مفيش مدارس

مستشفى الهادى...

من أكبر مستشفيات الكويت وأعرقهاوأكثرها إزدحاما بالمراجعين....وتقوم أساساعلى تخصص النساء والتوليد
وبخاصة المساعدة على الحمل.....وعمليات التجميل ...والديرماتوبيوتى...

كل أكبر الإستشاريين الكويتيين متعاقدين معها لإجراء العمليات والولادات....وهذا شىء فى غاية الأهمية لأن تواجدهم يحتم طبيعة معينة فى التعامل معهم كأصحاب مكان

كأى مكان بالكويت كل الحقوق محفوظة للوافدين ....وهم ترأسهم إدارة محترمة

كانت المشكلة من قبل الرواتب...الأساسى ضعيف ولكن العمولة هى الاكثر قيمة .....لكن عرفت من زملاء أن الرواتب إرتفعت مثل مثيلاتها ....

يقدمون سكنا بجوار المستشفى فاخر التأثيث

المستشفى مزدحم بإستمرار والدوامات مرهقة بالطبع ومتغيرة حسب كثافة المراجعين....ولا مجال للنقاش لإعادة تقسيم الجدول...

يملأها الهنود الذين يحملون خبرات نفسية سيئة للمصريين ولذا يلزم التعامل معهم بمنتهى الحذر

بالإجمال المستشفى يضيف لمن يعمل به الكثير حيث يوجد بها مجموعة من أكبر الإستشاريين بالكويت....
ويحتاج كل كل التركيزوالإهتمام فى العمل ....دايما فيه مليون عين بتفتش وراك فى الملفات ...ومعاملة واعية للإستشاريين الكويتيين
من أكتر المستشفيات المحببة لدى الكويتيين ...
واخدة accreditation - شهادات جودة ....يعنى أجمل نتيجة منها ....شهادة خبرتك منها....

بالنسبة للإمتحان :له مواعيد محددة بالطبع....يتم إعلامك به من قبل المستشفى قبلها بوقت كافى...

لا يوجد عددمرات لدخول الإمتحان ....لكن المهم هو صبر الكفيل عليك فى الحصول على الترخيص ...لأن التفتيش الطبى على التراخيص شىء متكرر...وكمان لو بدون ترخيص مفيش لحضرتك توقيع أو أكلشية أو مقدرة على الكتابة فى ملف المريض ...وده بيخلى الدكتور عبء على المكان!!!

ربنا مايجيب فشل إن شاء الله..

بالنسبة لمعاملة المريض الكويتى ....سبق الرد فى هذا الموضوع...

بالنسبة للأخطاء الطبية : العقاب هو الفصل وسحب الترخيص وتسجيل الخطأ بصفحة الكمبيوتر المركزى بالدولة !!!!لكن التأمين بيغطى كل المطلوب مثل السعودية

التأمين الطبى بيوفره الكفيل ...

الحكومى فيه استمرارية أكتر ...لكن عيبه الريت عالى ...لكن مميزاته تذاكر الطيران للأسرة والمدارس الحكومى مجانا...والأجازة 45 يوم ...

أما الخاص راتبه أعلى من الحكومى ...لأن العمولة بتزود المحصلة ...لكن الأساسى فى الإتنين واحد....وطبعا حضرتك عارفة إجمالا الفرق بين شغل الخاص والحكومى ....الحكومى :شغل وبس ...الخاص = دخل المستشفى كام !!!!

فيه نقطة أحب أوضحها ...

بعض التخصصات ....مثل الجراحات ...فرص عملها بالخاص أقل من الحكومى ...لأن المريض مش عاوز غير الخدمة الطبية فقط ...وأغلبهم مش بيحبوا يدفعوا فلس على الخدمة الطبية العادية ....مستشفيات الوزارة مجهزة تجهيز فوق الممتاز ....كل المطلوب متاح ...فلذلك يفضلون مستشفيات الحكومة ....

أما فى الخاص ...يزيد جدا عدد مرضى النساء والتوليد مثلا ...لأن الأساس إن القابلات (ممرضات هنود ) هم اللى بيولدوا الحالات فى الحكومى ...والسيدة بتدخل قسم الولادة بمفردها ...ولايدرى عنها أهلها شىء ...ولكن الخاص : تدخل السيدة مع أقاربها فى غرف (ألف ليلة وليلة ) ....ويتم أيضا عمل حفل استقبال المولود بالمستشفى الخاص ( ألف ليلة وليلة تانية !!!) والموضوع ده مهم جداااااا عند الكويتيين...لأنهم عامة يحبون الظهور والبهرجة...وكمان الخياطة التجميلية بعد الولادة....إلخ

أما تخصص الجلدية والليزر والتجميل :
من أعلى معدلات العمل فى الخاص ....كل ما يخص السيدات ...يحظى بأعلى ريت فى كل التخصصات الطبية....وأغلى الأسعار ...وأعلى الرواتب ....

موضوع جميل جدا يا دكتورة سمر
وفيه معلومات مفيدة

ولكن اسمحي لي أن أضيف بعض المعلومات للمساعدة
لسببين
أني عشت في الكويت
وبحكم مهنتي كطبيب

1-
الكويت بلد صغيرة جدا مقارنة بالسعودية لذلك فرص العمل بها أقل

2-
المعيشه فيها أغلى من السعودية وخصوصا فيما يخص السكن والوقود

3-ولكن
المرتبات وخصوصا للكادر الطبي مرتفعة نسبيا عن السعودية ولكن لقلة المعروض فالصعوبة تتمثل في العمل

4-مستشفى رويال حياة في منطقة الجابرية
وهي متخصصة أكثر في الولادة

مثال تتكلف عملية الولادة القيصرية في تلك المستشفى وبعض المستشفيات الأخرى مبلغ يتعدى 1200 دينار أي ما يوازي 24000 ألف جنيه مصري

ولكن مستشفى كرويال حياة تتعدى في
مستواها بمراحل مستشفى كدار الشفا بمصر
أي أن هناك قيمة لتلك المبالغ

6-السكن غالي للأسر
حيث الأفراد والعزاب يقيموا في شقق مشتركة
قد تدفع من 50 الي 100 دينار ايجار شهري حسب نوعية السكن ومكان المنطقة
ولكن تأكدوا ان ال 100 دينار تعطيك مكان مميز وشقة سوبر لوكس وتكييف مركزي

7-
مرتب الطبيب الممارس العام كان قليل الى عام 2007 تم عمل كادر جديد
يقدر المرتب باضافة النوبتجيات حوالي 800 دينار يزيدوا مع الخبرة والتخصص
ولكن لا تنسوا ان مرتب زميلك الكويتي يفوقك الضعف في نفس المكان وفي نفس التخصص
ولكن هذا نظامهم ونحن مضطرين للموافقة عليه

8-
استحالة أن تعمل طبيب في الحكومة وتعمل في مكان اخر خاص

9-
هناك أماكن أخرى للأطباء كقطاع وزارة الشئون الاجتماعية ولكن صعوبته في قلة المطلوب

10-
لو قدر الله أن تعمل هناك فتأكد أنك ستكون سعيد جدا ولكن قد تضطر أن تبقى ممارس عام
لان الممارس العام أقل الأطباء معرض للمساءلة والمشاكل الطبية

11-
لو زوجتك طبيبة فتأكد أكثر أنك ستعيش عيشة جيدة جدا لذلك أشجع جدا الارتباط بزميلة مهنة

12-
العمل هناك في بعض الأماكن خفيف فزملائي اشتكوا من كثرة العمل
بس ما حكيتلهم اننا في نبطشية الاستقبال ممكن نشوف 200 حالة او اكتر تخيلوا أننا نعيش في وباء

13-
صعب جدا الحاق الابناء في مدارس حكومية
ولكن انا لست مع الدكتورة سمر في ان المدارس الحكومية هي الافضل لاني مثال انا وبعض زملائي لتخرجنا من مدارس خاصة محترمة جدا
واخص بعضها
النجاة-الجيل-الاخلاص-الجميل-فجر الصباح-

14-
العمل هناك يومي والتزام شديد
يكفي انك لو غبت يوم سيكون الخص شديد وتخيل يخصم منك يوم غياب بما يعادل 30 دينار
اي 600 جنيه!!!!!

15-
في قانون العمل بوزارة الصحة
لو معاك خبرة سنتين ومعاك فرست زمالة بريطاني اطفال او باطنة
تعامل فورا كطبيب مقيم او بما يسمى طبيب مسجل



بالنسبة للاستشاري
1600دينار راتب اساسي +350 دينار بدل سكن +200 دينار طبيعة عمل

و 35 دينار عن كل سنة من حصله على الدكتوراه + تذكرة طيران + اجازة شهر مدفوعة الراتب
اجازة علمية مدفوعة الراتب داخل الكويت 3 ايام وخارج الكويت 5 ايام
+ عمولة حسب انجازه

بالنسبة للاختصاصي

1400 دينار + 300 دينار بدل سكن
150دينار بدل طبيعة عمل + 30 دينار حسب الشهادة بعد حصوله عليها
+ تذكرة طيران + اجازة شهر مدفوعة الراتب

بالنسبة للمسجل اول (دكتوراه )

1200 دينار كويتي + 250 دينار بدل سكن +150 دينار بدل طبيعة عمل
+ تذكرة طيران + اجازة شهر مدفوعة الراتب

بالنسبة للمسجل ( ماجستير)


900 دينار راتب ثابت + 200 دينار بدل سكن + 100دينار بدل طبيعة عمل +20 دينار بدل خبرة عن كل سنة بعد الحصول على المؤهل
+ تذكرة طيران + اجازة شهر مدفوعة الراتب


1-
الكويت بلد صغيرة جدا مقارنة بالسعودية لذلك فرص العمل بها أقل

2-
المعيشه فيها أغلى من السعودية وخصوصا فيما يخص السكن والوقود

3-ولكن
المرتبات وخصوصا للكادر الطبي مرتفعة نسبيا عن السعودية ولكن لقلة المعروض فالصعوبة تتمثل في العمل

4-مستشفى رويال حياة في منطقة الجابرية
وهي متخصصة أكثر في الولادة

مثال تتكلف عملية الولادة القيصرية في تلك المستشفى وبعض المستشفيات الأخرى مبلغ يتعدى 1200 دينار أي ما يوازي 24000 ألف جنيه مصري

ولكن مستشفى كرويال حياة تتعدى في
مستواها بمراحل مستشفى كدار الشفا بمصر
أي أن هناك قيمة لتلك المبالغ

6-السكن غالي للأسر
حيث الأفراد والعزاب يقيموا في شقق مشتركة
قد تدفع من 50 الي 100 دينار ايجار شهري حسب نوعية السكن ومكان المنطقة
ولكن تأكدوا ان ال 100 دينار تعطيك مكان مميز وشقة سوبر لوكس وتكييف مركزي

7-
مرتب الطبيب الممارس العام كان قليل الى عام 2007 تم عمل كادر جديد
يقدر المرتب باضافة النوبتجيات حوالي 800 دينار يزيدوا مع الخبرة والتخصص
ولكن لا تنسوا ان مرتب زميلك الكويتي يفوقك الضعف في نفس المكان وفي نفس التخصص
ولكن هذا نظامهم ونحن مضطرين للموافقة عليه

8-
استحالة أن تعمل طبيب في الحكومة وتعمل في مكان اخر خاص

9-
هناك أماكن أخرى للأطباء كقطاع وزارة الشئون الاجتماعية ولكن صعوبته في قلة المطلوب

10-
لو قدر الله أن تعمل هناك فتأكد أنك ستكون سعيد جدا ولكن قد تضطر أن تبقى ممارس عام
لان الممارس العام أقل الأطباء معرض للمساءلة والمشاكل الطبية

11-
لو زوجتك طبيبة فتأكد أكثر أنك ستعيش عيشة جيدة جدا لذلك أشجع جدا الارتباط بزميلة مهنة
الرجوع الى أعلى الصفحة اذهب الى الأسفل
almogahed_plstn



عدد المساهمات: 1
تاريخ التسجيل: 25/06/2013

مُساهمةموضوع: رد: العمل فى دولة الكويت    الثلاثاء 25 يونيو 2013, 7:33 pm

مشكورين على الموضوع الرائع...الله يجعلة فى ميزان حسناتكم.....ولكن لى سوال ارجو من الاخوة الزملاء التكرم بالرد عليه ضرووووورى جدا.

لو واحد معاة فرست زمالة بريطانية باطنة وعلى وشك انه يخلص التكليف هل ينفع انه يشتغل مساعد مسجل باطنة ولا لا؟؟؟ مع العلم انه لسة ماستلمش اى نيابة بس قضى سنة فى التكليف ونعاة فرست زمالة بريطانى باطنة وممكن يخلص سكند زمالة بريطانى .....يا ترى ده مسماه الوظيفى ايه وهل ينفع انه يشتغل مساعد مسجل ولا لا...وشكرا جزيلا
الرجوع الى أعلى الصفحة اذهب الى الأسفل
د.أنيس



عدد المساهمات: 1
تاريخ التسجيل: 16/03/2014

مُساهمةموضوع: رد: العمل فى دولة الكويت    الجمعة 21 مارس 2014, 4:41 pm

السلام عليكم،
أود معرفة الرتبة أو الدرجة التي تمنح لطبيب وافد للصحة الأولية؟ هل هي ممارس عام أو مسجل؟
ماذا لو كان متحصلا على ماجستير و خبرة أقل من 3 سنوات؟ هل تضاف له درجة؟
الرجوع الى أعلى الصفحة اذهب الى الأسفل
 

العمل فى دولة الكويت

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» ماهي أفضل دولة في العالم !؟!

صلاحيات هذا المنتدى:لاتستطيع الرد على المواضيع في هذا المنتدى
عمالقة الطب :: عمالقة الطب :: وظائف أطباء العمالقة-